წინასწარი დაკავება
Detention under remand
ტერმინი აღნიშნავს ადამიანის დაკავებას სასამართლო პროცესამდე, ან მის დროს. ასეთნაირად დაკავებული ადამიანი უდანაშაულოდ უნდა ითვლებოდეს და მას სათანადოდ უნდა მოექცნენ მანამ, სანამ ის კანონის მიხედვით არ იქნება მიჩნეული დამნაშავედ ღია სასამართლო გარჩევის შედეგად და საპროცესო გარანტიების დაცვით. წ-დ-ის გამოყენების საფუძვლები შეზღუდულია: ასეთი პირის დაკავება და დაპატიმრება ძიებისა და სასამართლო პროცესის დროს მხოლოდ მართლმსაჯულების აღსრულების მიზნით უნდა ხდებოდეს კანონით განსაზღვრული საფუძვლების, პირობების და პროცედურების მიხედვით. დაკავებულის მიმართ ისეთი შეზღუდვების დაწესება, რაც არ არის აბსოლუტურად აუცილებელი მისი დაკავების მიზნების, ან ძიების ხელის შემშლელი დაბრკოლებების თავიდან აცილების, მართლმსაჯულების აღსრულების, ან დაკავების ადგილას უსაფრთხოებისა და წესრიგის უზრუნველყოფისათვის, კანონით უნდა აიკრძალოს. სისხლის სამართლის დანაშაულში ბრალდებულ პირს აქვს გონივრული დროის განმავლობაში სასამართლოს უფლება, ან სასამართლომდე განთავისუფლების უფლება
Source: ადამიანის უფლებათა ლექსიკონი / [შეადგინა ფრიდონ საყვარელიძემ ; რედ.: ანა ჭაბაშვილი] – თბ. : დასი, 1999 – 128გვ
…
….
….
იურიდიული ენციკლოპედია www.gen.ge-ზე
შიდა ბმები: 1. TOP – ადვოკატები; 2. TOP – საადვოკატო ბიუროები; 3. TOP- იურიდიული მომსახურებები
გარე ბმები: 1. რეკლამა ინტერნეტით; 2. ქართული სამედიცინო ინტერნეტ–ქსელი
……