სტრატეგიული კვლევები

სტრატეგიული კვლევები

ამ ტერმინით აღინიშნება ამა თუ იმ ქვეყნის ან მსოფლიო შესაძლო გლობალური განვითარების ანალიზი. თანამედროვე მსოფლიოში მიმდინარე ინტეგრაციულმა პროცესებმა შექმნა იმგვარი პოლიტიკური სისტემა, რომლის პირობებშიც რომელიმე ერთ რეგიონში მომხდარი მნიშვნელოვანი პოლიტიკური, ეკონომიკური ან სოციალური ხასიათის ძვრები ზეგავლენას იქონიებს დანარჩენ ქვეყნებზე. ამგავრი მოვლენების შესწავლის ცენტრებია ლონდონის სტრატეგიული კვლევებისა და სტოკჰოლმის მშვიდობის შესწავლის ცენტრები, რომლებიც ყოველი წლის ბოლოს აქვეყნებენ რეზიუმირებულ გამოკვლევას მსოფლიოს სხვადასხვა რეგიონში მიმდინარე პროცესების შესახებ. ს.კ. საერთაშორისო ურთიერთობების ერთ–ერთი ქვედარგია, რომელიც საერთაშორისო ურთიერთობების მონაწილეთა მიერ პოლიტიკური მიზნების მისაღწევად სამხედრო ძალის გამოყენებას შეისწავლის. ს.კ –ის მოთავსება შეიძლება რეალიზმის პარადიგმის ჩარჩოებში, რადგან ეს დისციპლინა საერთაშორისო ურთიერთობების მთავარ მონაწილედ სახელმწიფოს მიიჩნევს. ს.კ. საერთაშორისო ურთიერთობების მეცნიერების გამოყენებით ქვედარგად მიიჩნეოდა, მაგრამ მისი მნიშვნელობა ცივი ომის დასრულების შემდეგ შემცირდა. ტერორიზმსა და ბრძოლის პარტიზანული მეთოდების საყოველთაოდ გავრცელებამ შეიძლება ააღორძინოს ეს დისციპლინა, მაგრამ, სავარაუდოდ, სახელმწიფოს როლის შესახებ რეალიზმის შეხედულებების დათმობის ხარჯზე.

Source: სოციალურ და პოლიტიკურ ტერმინთა ლექსიკონი–ცნობარი / [სარედ.: ჯგუფი: ედუარდ კოდუა და სხვ. ; გამომც.: ლაშა ბერაია] – თბ. : ლოგოს პრესი, 2004 – 351გვ. ; 20სმ. – (სოციალურ მეცნ. სერია/რედ.: მარინე ჩიტაშვილი). – ISBN 99928-926-9-2 : [ფ.ა.]

…

….

….

იურიდიული ენციკლოპედია www.gen.ge-ზე

შიდა  ბმები: 1. TOP – ადვოკატები; 2. TOP – საადვოკატო ბიუროები; 3. TOP-  იურიდიული მომსახურებები

გარე ბმები: 1. რეკლამა ინტერნეტით;  2. ქართული სამედიცინო ინტერნეტ–ქსელი

……